في البداية اسمي خالد العتيبي , عمري 23 ىسنه , طالب في كلية الاداب , بلشت قصتي بالجامعه قبل 6 سنين وللاسف للحين ماتخرجت ) بس على قولة وكلام اغلب اللي حواليني (هانت
, تخرجت من الثانوية في سنة 2012 و انقبلت بجامعة الكويت كلية العلوم الادارية وفي سنة 2015 حصلت معاي مشكله انه ماده مسبق محتكرها دكتور وللاسف عدت الماده هذي عنده مرتين ( قفلت جدا ) , و انا للامانه كنت داخل العلوم الادارية تلبيه لرغبة ابوي , وطبعا بعد هالشئء و المعاناة اتخذت رايي بلاش ادارية و لازم اسوي اللي انا ابيه , فحولت لكيلة الاداب وتخصص الاعلام , طبعا اللي احبه واللي جذبني بتخصص الاعلام انه مايعتمد على منهج علمي او كتاب على كثر ما يعتمد على الابتكار و صنع محتوى جديد و ان شاء الله صج هانت ما بقى شيء
اما على الصعيد الشخصي فانا مغرم باربع اشياء ( نادي برشلونه / القهوه بانواعها / السفر / المسلسلات الاجنبيه ) , يعني ما اذكر اني طوفت مباره لبرشلونه , واحب ريحة تالقهوه واحب اشربها , واحب اسافر واكتشف حضارات ولغات وطبيعة شعب جديده بكل مره , وطبعا المسلسلات شيء اخر بالنسبه لي .
